My naam is Rouxné Fivaz, en ek hou van prentjies teken. Ek is 'n ma van 'n 3-jarige seuntjie en ook 'n dogtertjie wat in begin Mei by ons gesin aangesluit het. Ek het my lewe lank 'n groot liefde vir kuns, en hoewel ek tans 'n trouvenue op ons plaas bedryf en as direkteur, koordineerder, dekor- en blommespesialis werk (#dayjob), het kinderillustrasies my ander passie begin raak.

​

Hieruit is Hoephoep Baba gebore - 'n klein kreatiewe besigheid wat spesialiseer in tekstielgebaseerde baba- en kleuterprodukte. Ek illustreer en ontwerp al ons produkte self, en dit maak altyd my hart warm om te sien hoe hulle gebruik word om 'n nuwe babakamer te versier of vreugde bring vir 'n spesiale baba of kleuter in jou lewe!

​

Ons kombersies werk perfek as babatee-geskenke, of as deel van jou eie hospitaaltassie as jy 'n kleinding aan die kom het.